கே. எஸ். மஸ்தான் (K. S. Masthan) என்ற இயற்பெயர் கொண்ட இவர், செஞ்சி கே. எஸ். மஸ்தான் என்ற பரவலாக அறியப்படும் தமிழக அரசியல்வாதியும், தமிழக சிறுபான்மையினர் நலன் மற்றும் வெளிநாடு வாழ் தமிழர் நலத்துறை அமைச்சரும் ஆவார். திமுக கட்சியின் விழுப்புரம் வடக்கு மாவட்ட செயலாளராக உள்ளார்.                           31 மே 1955-ஆம் ஆண்டு, தமிழ்நாட்டிலுள்ள விழுப்புரம் மாவட்டத்தின் செஞ்சியில், இவரது தந்தையான காஜா பாஷா என்பவருக்கும், தாயான ஜூலேகா பீ என்பவருக்கும் மகனாகப் பிறந்தார். இவர், செஞ்சி அரசு  மேல்நிலைப்பள்ளியில், 1972 ஆம் ஆண்டு 8 ஆம் வகுப்பு வரை கல்வி பயின்றார்

    2016 ஆம் ஆண்டு நடைபெற்ற தமிழ்நாடு சட்டமன்றத் தேர்தலில் விழுப்புரம் மாவட்டத்தின், செஞ்சி சட்டமன்றத் தொகுதியில் தி.மு.க கட்சி சார்பில் போட்டியிட்டு சட்டமன்றத்துக்குத் தேர்ந்தெடுக்கப்பட்டார்.

     2021 தமிழ்நாடு சட்டமன்றத் தேர்தலில் செஞ்சி சட்டமன்றத் தொகுதியில் சட்டமன்ற உறுப்பினராக மீண்டும் தேர்ந்தெடுக்கபட்டார்.  இதையடுத்து 2021 மே 7 அன்று திராவிட முன்னேற்றக் கழகத் தலைவர் மாண்புமிகு மு. க. ஸ்டாலின் அவர்கள் தமிழக முதல்வராக பதவி ஏற்றுள்ள அமைச்சரவையில் தமிழக சிறுபான்மையினர் நலன் மற்றும் வெளிநாடு வாழ் தமிழர் நலத்துறை அமைச்சராக உள்ளார்.